PINTO&CHINTO NA BIBLIOTECA

Os humoristas gráficos da Voz de Galicia Pinto e Chinto (David Pintor Noguerol e Carlos López Gómez) son os autores do libro Cámbiache o conto!

Hoxe visitounos Chinto para falarnos na biblioteca do seu traballo e do libro Cámbiache o conto! que tanto nos fai rir e co que estamos a traballar neste trimestre...

O libro amósanos unha peculiar versión dos contos clásicos. Dándolles unha volta aos finais das diferentes historias pasamos momentos moi divertidos coa súa lectura.

Tamén falounos doutros dous libros nos que os protagonistas son simpáticos animaliños...

"Minimaladas" e "Novas minimaladas"

"Cambiou o conto!" para Chinto cando sentou e foi espectador das interpretacións que os rapaces fixeron dos contos do seu libro...

Os rapaces fixeron un traballo cooperativo para representar no Kamishibai estes contos aos nenos de E. Infantil e mesmo aos profesores galeses que viñeron de visita a nosa biblioteca
Ao remate, Chinto adicou e firmou cada un dos libros aos rapaces de 3º de Primaria...Que contentiños quedaron!!!

  MOITAS GRAZAS PINTO E CHINTO POLO VOSO FANTÁSTICO TRABALLO!!!!