CHARLA DE MARÍA JESÚS MOVILLA- A MULLER COMO ENFERMEIRA E CIENTÍFICA

 A doutora Mª Jesús Movilla Fernández visitou a nosa biblioteca para charlar cos rapaces e rapazas de 3º e 4º de primaria sobre"A muller como enfermeira e científica"

A Dra Mª Jesús Movilla é profesora na Facultade  de Enfermaría e Podoloxía no Campus de Esteiro en Ferrol. Tamén é socia de AMIT (Asociación de Mulleres Investigadoras e Tecnólogas) e nós pedimos a esta asociación que viñera a dar unha charla ao 2º ciclo de primaria para falarnos da súa profesión, a evolución da enfermaría ao longo da historia e dalgún dos inventos tan útiles e prácticos que inventaron algunhas mulleres olvidadas para que, con esta charla, Mº Jesús as lembrara e valorara como ben merecido o teñen estas mulleres, inventoras e científicas.

Do libro "ENFERMERAS INVISIBLES" falounos de JEAN WARD, enfermeira inglesa que observou que os recén nacidos colocados preto da fiestra melloraron a súa cor coa luz solar. Comentou a súa investigación cos médicos e logo dalgúns estudos quedou establecida a primeira unidade de fototerapia no ano 1958

Outro exemplo de muller inventora e científica, ANN MOORE , esta enfermeira inventou a primeira mochila portabebés moderna ergonómica.

ANITA DORR, enfermeira americana que inventou o "Carrito de parada" importantísimo para non perder tempo e ter todo o instrumental a man onde faga falta e levalo con rapidez dun lugar a outro.

FLORENCE NIGHTINGALE, enfermeira, escritora e estadística británica que destacou en Matemáticas e sentou as bases da profesionalización da enfermaría. Atendeu a moitos feridos na guerra de Crimea que melloraban coas súas pioneiras medidas hixiénicas e de alimentación.

Mª Jesús indicounos a importancia de secar ben as mans despois de lavalas porque a humidade é boa para que se propaguen xérmes e bacterias. Tamén nos advertiu de que ter restos de esmalte nas unllas tamén é perigoso porque favorece o crecemento deses xérmenes e bacterias perxudiciais.

QUE ENRIQUECEDORA E INTERESANTE A CHARLA DE Mª JESÚS!

MOITÍSIMAS GRAZAS EN NOME DE TODA A COMUNIDADE EDUCATIVA