PLAN DIRECTOR

Un ano máis ponse en marcha o Plan Director para a convivencia e a mellora da seguridade nos centros educativos e nos seus contornos...

Onte na biblioteca unha inspectora da Policía Nacional estivo con nós para informar aos nenos e nenas de 5º e 6º de primaria dos perigos que supón o bullyng, como detectalo e como poñerlle fin.
Fixo moito fincapé na importancia que teñen nestas situacións os espectadores, así coma da importancia da denuncia ante os profes, titores, pais ou, incluso, perante a policía.

O plan, impulsado dende a Delegación do Goberno en Galicia e a Alta Inspección de Educación, ofrece aos centros docentes a posibilidade de solicitar estas charlas informativas/formativas sobre temáticas como: acoso escolar, drogas e alcol, violencia de xénero, novas tecnoloxías, bandas xuvenís, etc; charlas impartidas por persoas expertas das Forzas e Corpos de Seguridade do Estado e dirixidas ao conxunto da comunidade educativa (alumnado, profesorado, familias).