DÍA DO LIBRO EN SECUNDARIA - VISITA DE PONTE FAR

O 24 de abril celebramos en Secundaria o Día do Libro, despois dunha longa semana investigando, ensaiando, pintando, escribindo, debuxando, correndo…por fin chegou o gran día: O RECITAL

Un recital que contou coa presenza de Ponte Far, un estudoso da obra de Torrente Ballester, que nos ilustrou cun vídeo e co seu saber sobre esta figura literaria tan nosa.

Nel houbo un traballo de campo sobre Torrente Ballester, houbo poesía dialogada, houbo dramatizacións de poemas, de contos, houbo cadros inspirados en poemas, houbo un fermoso cartel que recollía a historia deste día, houbo unha explicación dos dereitos de autor…

                     HOUBO FESTA E HOUBO CULTURA.

HOMENAXE A ROSALÍA

Dende a biblioteca escolar do CPR Plurilingüe Valle-Inclán I de Ferrol, baixo a batuta da profesora do departamento de Lingua Galega e coa colaboración do resto dos departamentos da ESO, celebrouse o día de Rosalía de Castro con diversas actividades, todas elas vencelladas a súa obra e dirixidas a lembrar esa obra e dar conta da súa universalidade.

Este ano celebramos o 180 aniversario de Rosalía de Castro e fixémolo lendo, cantando e aprendendo boa parte dos seus poemas, e como todos os alumnos participaron decidimos que podíamos facer un pequeno e modesto acto no que disfrutar e compartir o traballo cos compañeiros.

 

Houbo ensaios por todos lados, xente falando soa polos corredoras, música de guitarras, un coro e un cartel precioso no que se xuntou investigación e creatividade sobre esta figura tan emblemática para o pobo galego en xeral e para as mulleres galegas en particular.

                          A DIVERSIÓN E A CULTURA DA MAN...... FERMOSO!    

PROXECTO DE INVESTIGACIÓN CIENTÍFICA DE 5º DE PRIMARIA

             CONCURSO LUIS FREIRE DE INVESTIGACIÓN CIENTÍFICA NA ESCOLA             

                                    PARABENS A TOD@S...SODES FINALISTAS!!!

 O comité de selección do XVIII Premio Luis Freire de Investigación Científica na Escola, reunido o día 7 de abril do 2017, acordou seleccionar como finalistas os seguintes traballos na modalidade Educación Primaria:
➤É eficaz colocar unha bolsa chea de auga na ventá dunha casa para impedir a entrada de moscas?
                                (Colexio Vicente Otero Valcárcel - Carral)
➤Teñen os caracois a mesma resposta de comportamento ante obstáculos de tamaño e forma diferentes? (Colexio Castro Baxoi - Miño)
➤Somos lunáticos...mito ou ciencia?    (Colexio Valle Inclán 1 - Ferrol)

Rapaces de 5º, mestres e familiares, buscan respostas....
Existen en Galicia moitas lendas relacionadas coa lúa, pero canto hai de certo nelas?
Ata que punto a lúa afecta ao comportamento das persoas? e aos animais?
Como condiciona a lúa á pesca? e á agricultura?

Na biblioteca escolar realízanse diversas actividades relacionadas coa observación diaria do crecemento dos allos nas distintas fases lunares...
➧A primeira actividade consiste en sementar os allos utilizando envases diferentes para cada fase lunar...

➧Rega semanal e etiquetado...

 

➧Seguemento riguroso cumprimentando táboas de rexistro...

 

➧Recollida ás 5 semanas da sementa...

 

➧Rexistro de medidas e pesos nun formulario para logo facer gráficos...

 

➧Conclusións...

Como vedes, a pesar de que non apreciamos grandes diferenzas entre os allos sementados nas distintas fases lunares, os allos de máis peso e lonxitude foron os sembrados en lúa crecente.

Estas foron as actividades feitas nun recuncho da biblioteca, pero foron moitas máis as que fixeron ...

INTERESANTES ENQUISAS...

 

Na rúa e no Hospital Arquitecto Marcide (CHUF) de Ferrol

 
Nun invernadeiro e nunha granxa

 
No colexio e a un patrón de barco do porto de Cariño

Pero entón podemos confirmar a hipótese de que a lúa inflúe no comportamento dos seres vivos, animais e plantas? 

Fai click no seguine  vídeo no que explican como levaron a cabo todo o proceso de investigación así coma os resultados.

E se queres máis información podedes entrar no blogue de 5º de Primaria ...

http://valledelosestudios.blogspot.com.es/2017/04/proxecto-cientifico-somos-lunaticos.html

O vindeiro sábado 29 estes xóvenes científicos defenderán o seu proxecto na Coruña...

...PARA NÓS XA SODES GAÑADORES EN TRANSMITIR ENTUSIASMO A TODA A COMUNIDADE EDUCATIVA CON ESTE PROXECTO TAN COMPLETO QUE FIXÉCHEDES

PARABENS POLO VOSO TRABALLO!!!

PRIMEIRO PREMIO...CAMPEÓNS!!!
http://mc2coruna.org/luis-freire/convocatoria-es.html

DÍA MUNDIAL DO LIBRO EN PRIMARIA - 23 DE ABRIL - ANTÓN CORTIZAS

VISITA DE ANTÓN CORTIZAS

Co gallo da festividade do Día do Libro, e ao abeiro do noso proxecto lector, tivemos a gran sorte de que Antón Cortizas tivera a ben compartir con nós toda a xornada lectiva do venres.

 

Durante toda a mañá estivo interactuando, por quendas, cos nosos nenos e nenas, que xa devecían por coñecelo tras ter lidas varias das súas obras....

 

Agasallou aos nosos alumnos con diferentes manualidades que fixeron as ledicias dos rapaces. 

 

Nós tamén o sorprendemos mostrándolle unha serie de xogos elaborados con materiais de refugallo, sabedores como somos, do seu gusto polos xogos populares...

Futbolíns, helicópteros, mikados, buxainas e michiños atrapabolas....O noso recuncho dos xogos reciclados.

Na nosa biblioteca tamén contamos con estes outros títulos de Cortizas...

 

MOITAS GRAZAS ANTÓN CORTIZAS POLA TÚA VISITA!!!