Dende Lupo, como educadores e arquitectos, dan pautas aos centros educativos para realizar unha análise correcto dos espazos e metodoloxías que axuden a crear ambientes que melloren o estado actual dos centros.
Trátase dun proxecto cooperativo no que participa toda a comunidade educativa, respectando as caracteísticas únicas que ten cada centro escolar. Por exemplo, nun cole aproveitaron as boias para crear un ambiente lúdico, en outro crearon cabanas de vimbio.
Estas accións que leva a cabo Patricia co Sistema Lupo están coordinadas nos coles piloto a través do CFR de Ferrol.
A seguinte sesión a teremos o próximo día 10....os profes estamos desexando conversar outra vez con Patricia pola súa valiosa aportación na transformación de espazos.
O venres 23 de abril, Día do Libro, tivemos o pracer de conversar con Ramón D. Veiga, o autor de dous libros que leron os rapaces e rapazas de 1º e 3º de primaria.
➤A primeira hora da mañá conectámonos con Ramón e co alumno David, que participou dende a súa casa, para falar do libro "Meigas fóra!"...
Ramón explicounos a orixe e inspiración dos seus contos...Algo tivo que ver a súa filla Violeta
Falounos do proceso de creación dos debuxos por parte do seu amigo e ilustrador Iván R...
Ramón compartiu con nós un vídeo resumo do seu libro Meigas fóra!...
Tamén contestou ás preguntas e curiosidades dos rapaces...
Falounos das tradicións entorno á noite de San Xoán e comentamos algunha que outra anécdota divertida.
David, dende a súa casa, tamén aportou a súa simpática tradición familiar de queimar roupa vella na luminaria.
Finalizou a primeira sesión con Ramón co compromiso, por parte dos rapaces de 3º, de facerlle un paraugas a Ramón interpretando os incríbles debuxos de Iván R...
➤ Na segunda sesión, Ramón atendeu aos nenos e nenas de 1º de primaria, que coa súa profe Emma, leron o seu conto titulado "A araña que lles tiña medo ás arañas"
Ramón contoulles como e por que empezara a escribir contos, en especial o conto da Araña... A araña vivía nun recuncho da habitación da súa filla Violeta, e acabou converténdose na protagonista do noso conto.
Ensinoulles como elaborou o conto da araña co seu amigo Iván, o ilustrador...Canto traballo agóchase detrás dun conto!
E animou a toda a rapazada a escribir e ilustrar un, amosou como exemplo o que Violeta elaborara cando era coma eles.
Como nos encanta escribir e debuxar... Imonos poñer ao choio!
O día23 de abril conmemoramos odía do libro, e para os alumnos de 4º curso de Educación Primaria do Colexio Valle Inclán foi un día ben distinto ós outros.
A nosa profesora Fabiola díxonos que as personaxes do libro que léramos na segunda avaliación acocháranse na biblioteca.
E como é iso de que as personaxes dun libro se acocharan na biblioteca?
En forma de códigos QR.
Así que os nenos e nenas trouxeron tablets e móbiles e puxéronse á búsqueda....
Foi interesante ver aos alumnos tan motivados buscando os códigos, escaneando e observando o que fixeran; e por su posto moi gratificante para eles poder ver o seu traballo final dun xeito distinto ao que estaban acostumados.
En xeral todo o traballo relacionado co libro foi moi produtivo porque serviunos para traballar a lectura, a expresión oral, o debuxo, aprender a crear códigos QR a partir dun vídeo, a descargalos... Pero tamén algo que nos gustou moito: permitiunos coñecer, aínda que fora dun xeito virtual, a autora do libro, Rosa Aneiros.
Sen dúbida mereceu a pena!
Por outra banda, os nosos códigos tamén apareceron no mural que había no corredor e aproveitamos para ver os códigos dos libros que leron nas outras clases de primaria.
