No Nº 177 da Rúa Real naceu a escritora e activista social Concepción Arenal hai 200 anos. Hoxe quixemos lembrar o seu bicentenario acudindo a dita rúa para facer unha foto enmarcada no noso proxecto FERROL NO TEMPO
Fixemos esta fotiña no portal da súa casa sinalando a placa conmemorativa cos "Susurradores"...
Non foi doado, pero logo de varios intentos, Andrea e Lucía conseguiron encaixar a Rúa Real de Ferrol no tempo...
Seguimos lembrando a Rosalía ... Susurrando os seus poemas para profes de Primaria e alumnado da ESO...
Víctor de 2º de primaria, Sabela e Gabriela de 3º, Ainhoa de 4º, André, Yaiza e Jaqueline da ESO; Cos seus susurradores, recitan poemas de Rosalía para as profes de Primaria, Icía e Isabel...
Víctor emociona a súa profe Isabel co poema de Rosalía "Te amo..¿por qué me odias?
Ainhoa, de 4º de primaria, recita a súa profe Icía "Unha boda na aldea"
Alumnn@s da ESO e a súa profe Katy tamén disfrutaron escoitando estes poemiñas susurrados de xeito tan íntimo e delicado...
"Campanas de Bastabales", "Unha boda na aldea", "Te amo...¿por qué me odias", "Médico, dóelle a cabeza".....Estes foron os poemas de Rosalía recitados.
E para rematar, o poema cantado"Adiós ríos, adiós fontes"....
Susurrando poemas de Rosalía de Castro ás profes de infantil... Rapaces e rapazas de diferentes etapas educativas susurran poemiñas e cantan a Rosalía cos seus "Susurradores"...
E para rematar, cantan susurrando..."Adiós ríos, adiós fontes"
Precioso xeito de lembrar a Rosalía...Susurrando os seus poemas!!!
Dende Radiovalle podedes escoitar a entrevista que Daniela e Laura fixéronlle a Lucía co gallo da celebración do 11 de febreiro "Día da muller e a nena na ciencia"... Rapaces e rapazas de 3º adicaron estes debuxos a Lucía...
Un ano máis, contamos coa AMIT(Asociación de Mulleres Investigadoras e Tecnólogas en Galicia, AMIT-Gal) para celebrar o 11 de febreiro "Día da Muller e a Nena na Ciencia".
Lucía Santiago Caamaño é Enxeñeira Naval e Oceánica e profesora da
EPS (Escola Politécnica Superior) de Ferrol. Colabora coa AMIT e hoxe veu a dar unha charla parao alumnado de 3º,4º,5º e 6º de primaria. Lucía é da Pobra do Caramiñal, na Ría de Arousa. Comezou a charla falando do seu pobo. Dende o peirao, podía ver as bateas e os pesqueiros cando era unha nena, e xa acendían nela a curiosidade os barcos coas súas grúas e as redes. Un dato curioso que aportounos: A Pobra, é o porto onde máis atún se descarga de Europa.
No seu traballo, no Campus de Esteiro, da clases e investiga, co seu equipo de enxeñeiros, nos sistemas autónomos. Estudan a estabilidade e comportamento dos barcos para mellorar a súa seguridade no mar. No laboratorio dispoñen dun espazo para probas con maquetas de barcos a escala cun canal de ensaios e sensores para medir e tomar datos. Tamén hai un xerador de ondas que poidemos ver nun vídeo.
Amosounos diferentes tipos de barcos coas súas características. O submariño chamou moito a atención entre a rapazada. Tamén quedaron abraiados co comportamento dun barco nun temporal.
Lucía falounos de mulleres referentes e pioneiras cos seus inventos e contribucíons á ciencia e ás novas tecnoloxías:
Hedy Lamarr, inventora dun sistema de comunicación secreta contra os nazis, precursor do GPS, bluetooth e o wifi.
Raye Montague, que inventou o primeiro software asistido por ordenador para buques.
Martha Jane Hunt Coston,inventora da bengala Coston, dispositivo de sinalización no mar. Sara Mather, inventora do telescopio submariño, precursor do periscopio.
Moito aprendimos con Lucía, e o máis importante, animou á rapazada a estudar moito e escoller a profesión que lles guste sen barreiras nin estereotipos. E para finalizar, adicounos uns minutiños na entrevista para Radiovalle que lle fixeron alumn@s de 5º e que subiremos próximamente...
Como ben dixo Laura....MOLAS MOITO LUCÍA! MOITÍSIMAS GRAZAS POLO TEU EXEMPLAR TRABALLO!!!
