BIBLIOTECA DO VALLE: mayo 2017

Grazas aos chicos e chicas de secundaria, que moi amablemente colaboraron visitando o barrio, temos a oportunidade de compartir receitas dos seguintes mesóns e restaurantes:

O Cantegril

Anca

El Coral

O Camiño do Inglés

Frank

O Bacoriño

Moitas grazas a tod@s pola vosa colaboración!

QUE CONTAN AS OVELLAS PARA DURMIR?

Rapaces de 4º contando e contando, e contando....ovellas e algo máis...

Bee é a nosa protagonista que quere saber o que contan as ovellas para durmir....

O rabaño de ovellas traballaba para un pastor que todas as mañás deitabase debaixo do valado.

Preguntoulle as outras ovellas do rabaño, pero non o sabían. Colleu un pouco de herba do outeiro e un puñado de neve e comenzou a súa viaxe para atopar unha resposta..

A sete pasos máis un atopou un gordisapo, e nada, non sabía o que contan as ovellas para durmir. A sete pasos máis dous atopou un gato larpeiro...e tampouco sabía a resposta.

A sete pasos máis tres preguntoulle ao lobo feroz e este contestoulle:-Non che sei, eu conto ovellas para soñaaaarrrrr!!!Xa moi cansa decidiu parar a tomar a presiña de herba e o puñado de neve para quitar a sede.

Xa co bandullo cheo fixouse nuns valados brancos e vermellos e viu a moitos señores saltando sobre eles...Entón empezou a contalos...Sen querer atopou a resposta...As ovellas contan ATLETAS para durmir!
FIN

FIN FIN FIN

MAR-E-ARTE CON LEANDRO LAMAS

O próximo martes, día 6 de xuño, visitará a nosa biblioteca un dos nosos ilustradores preferidos, Leandro Lamas.

E para coñecelo un pouquiño máis antes da visita, fixemos esta unidade didáctica para que os rapaces admiren algunhas das súas pinturas relacionadas co mar. Esta tarefa a incluiremos no noso proxecto sobre o barrio de Ferrol Vello....

Premede no libriño e disfrutade...

Mar-E-Arte con Leandro Lamas

lunes, 22 de mayo de 2017

PESCAMOS A MARÍA PRIN NA BIBLIOTECA

Unha das visitas relacionadas co Proxecto Terra adicado este ano ao Barrio de Ferrol Vello foi a que tivemos hoxe de María Prin, irmá da nosa compañeira Mercedes.

María traballa no Mercado da Magdalena.
Amosounos unhas diapositivas para explicar o seu traballo e comenzou falando do edificio onde traballa, a Pescadería, un precioso edificio modernista construído por Rodolfo Ucha no ano 1923 (Pódese ver a data na fachada do edificio)...

Precioso edificio onde traballa María, non si?

Falounos dos produtos que vende no seu posto da pescadería: Bivalvos como a ameixa babosa, ameixa fina e berberechos.
Crustáceos: a centola e o buey

Aquí a vemos explicando as partes da vieira e da zamburiña

Tod@s atentísimos as súas explicacións. Na primeira sesión os peques. E na segunda os maiores...

Moluscos como os bígaros, tamén chamados minchas ou caramujos

na parte de Vigo.

Equinodermos como o ourizo de mar. María ás veces pínchase coas púas, pero explicounos que os pulpos os comen enteiriños con púas, casca e todo e parece que lles presta moito porque repiten.

Tamén falounos do marisco moi apreciado, sobretodo polo Nadal, como os percebes, as nécoras, os santiaguiños, a cigala, a langosta, os camaróns,.... en fin, unha presentación moi, pero que moi completa cos produtos que ela vende encantada na pescadería...

Aquí vemos unha foto dos santiaguiños, especie ao borde da extinción...unha mágoa porque están boísimos!

Nesta táboa amosounos os produtos máis vendidos co seu prezo neste Nadal.

E por último, os servizos que ofrece dende o seu posto da pescadería...

Nós agradecemos moitísimo a súa visita porque aprendimos moito destes apreciados produtos do noso mar e da nosa ría.

O noso agasallo feito con moito cariño para ti...

MOITAS GRAZAS MARÍA!
ERES UNHA CRACK!!!

jueves, 18 de mayo de 2017

UN PERCEBEIRO NA BIBLIOTECA

Hoxe visitounos Nacho, o pai de Roi, de 6º de Infantil...Percebeiro da nosa costa

Nacho traballa co pai de Raúl
(de 3º de Primaria)
O pai de Raúl chámase Rafa e é o dono do barco "A Virxe do Nordés"

Raúl contounos que no barco do seu pai pescan robalizas pero ás veces collen abadejos ou mesmo algunha quenlla. Enviounos fotos do barco do seu pai e fixemos esta presentación ... BARCO DA FAMILIA DE RAÚL

Tamén compartiron con nós este vídeo onde Jacobo, o irmán de Nacho, pesca robaliza no Virxe do Nordés...

Nacho explicounos como é un día de faena do percebeiro: Madruga moito e como é un traballo moi perigoso, sempre vai acompañado. Amárrase cunha corda, leva traxe de neopreno polo frío e para non lastimarse coas rochas. Utiliza unha ferramenta chamada cavadoira, unha peza afiada de metal cortante cun mango máis ou menos longo, que serve para arrincar os percebes da rocha. E tamén levan unha bolsa colgada na cintura para gardalos a medida que os van collendo.

Tamén levounos un mapa da nosa Ría e amosounos as zonas nas que vai mariscar ameixas. Nunha foto anterior vemos a Raúl que sostén na man unha lámina coas partes dunha ameixa...

Tamén amosounos os catro tipos de ameixas que hai na nosa Ría...

Ameixa fina
Ameixa babosa
Ameixa japónica
Ameixa rubia

A que ten máis valor agora mesmo é a blanca que mariscan na nosa Ría, polo Castillo de San Felipe. E a todos parécenos que a babosa é a máis rica de todas as ameixas.
Chamounos a atención a ameixa carneiro...

Nacho comentounos que era moi apreciada en Italia, aseméllase a un berberecho pero é máis grande, con estrías moi marcadas na súa cuncha, a súa carne é moi sabrosa, con intenso sabor a mar e que cada vez é máis apreciada.

Zoe levou unha nasa do seu avó e mostrounos o burato por onde entra o peixe, tamén explicounos como queda atrapado dentro: Come a carnaza que hai dentro e logo non pode saír da nasa. Iria tamén amosounos unha bolsa dun percebeiro da súa familia. Nacho coñece algúns dos percebeiros familiares dos rapaces.

Os rapaces fixeron moitas preguntas e Nacho tivo respostas para todos...Aprendimos cousas curiosas da súa profesión e sobretodo a valorar e respetar o seu traballo, porque a parte de ser perigoso faenar nunhas zonas con tanto oleaxe, hai que ser tamén moi hábil para cavar percebe, separalo da rocha sen estropealo e manter así a súa calidade.